پاکستان کا تجارتی راہداری معاہدے کے تحت افغان برآمدات کے لئے واہگہ بارڈرکھولنے کا فیصلہ
اسلام آباد: مورخہ 13 جولائی 2020
حکومت افغانستان کی خصوصی درخواست اور افغانستان کو ٹرانزٹ ٹرید کی سہولت دینے کے لئے پاکستان نے 15 جولائی 2020 سے واہگہ بارڈر کراسنگ کھولنے کا فیصلہ کیا ہے۔ افغان برآمدات کی بحالی کے سلسلے میں کورونا وبا سے متعلق تمام احتیاطی تدابیر پر مکمل عمل کیاجائے گا۔
اس اقدام سے پاکستان نے پاک افغان ٹرانزٹ ٹریڈ معاہدہ (اے۔پی۔ٹی۔ٹی۔اے) کے تحت اپنا وعدہ پورا کردیا ہے۔ پاکستان نے کورونا وبا سے پہلے کی طرح دو طرفہ تجارت اور افغان تجارتی راہداری کے لئے تمام کرسنگ ٹرمینلز بحال کردئیے ہیں۔
پاکستان افغانستان کے ساتھ تجارت سمیت تمام شعبہ جات میں دوطرفہ تعلقات مزید مضبوط بنانے اور ’اے۔پی۔ٹی۔ٹی۔اے‘ کے تحت افغانستان کے لئے ٹرانزٹ ٹرید کی سہولت کی فراہمی کے عزم پر کاربند ہے۔
٭٭٭٭٭
294/2020
Last modified: جولائی 17, 2020
